وہ سارے سَمے جو بیت گئے

وہ سارے سَمے جو بیت گئے

کیا ہار گئے ، کیا جیت گئے

جتنے دکھ سکھ کے ریلے تھے

ہم سب نے مل کر جھیلے تھے

اب شاید کچھ بھی یاد نہیں

کبھی وقت ملا تو سوچیں گے

آپس کے پیار گھروندوں کو

گُڑیوں کے کھیل کھلونوں کو

گیتوں سے مہکتی کیاری کو

آنگن کی پھل پُھلواری کو

دھرتی پر امن کی خواہش کو

موسم کی پہلی بارش کو

کن ہاتھوں نے بے حال کیا

کن قدموں سے پامال ہوئے

وہ سارے سَمے جو بیت گئے

مل جُل کر کتنے سال ہوئے

یہ سال ، مہینے ، دن ، گھڑیاں

ہم سب سے آگے نکل گئے

ہم جیون رتھ میں جُڑے ہوئے

کبھی سنبھل گئے ، کبھی پھسل گئے

دامن میں صبر کی مایا ہے

کچھ آس امید کی چھایا ہے

ہر راہ میں کانٹے پڑے ہوئے

ہر موڑ پہ دکھ ہیں کھڑے ہوئے

ہم بڑے ہوئے

اب لوری پاس نہیں رہتی

ہمیں نیند کی آس نہیں رہتی

مری بات سنو

جب ہاں انکار میں لپٹی ہو

تصویر غبار میں لپٹی ہو

کہیں رشتے ٹوٹنے والے ہوں

یا اپنے چھوٹنے والے ہوں

جب ہر جانب دیواریں ہوں

اور پاؤں پڑی دستاریں ہوں

جب سچی بات پہ ہاتھ اُٹھیں

پھر اُٹھنے والے ہاتھ کٹیں

جب جھوٹ سے اصل بدل جائے

انصاف کی شکل بدل جائے

جب امن کی راہ نہ ملتی ہو

اور کہیں پناہ نہ ملتی ہو

کہیں ظلم کی آری چلتی ہو

اور دلوں میں نفرت پلتی ہو

کانٹون سے بھرے جنگل میں اگر

رنگوں کی سواری جلتی ہو

ایسے میں لہُو کی خوشبو سے

مَن پھلواری مہکا دینا

جہاں جیون سُر خاموش ہوں تم

آواز کے دیپ جلا دینا

جب سچ باتوں پر ہاتھ اُٹھیں

تم اپنا ہاتھ اُٹھا دینا !

جب کوئی نئی دیوار گرے

تم آنچل کو لہرا دینا

اور تِیرہ شَبی کے دامن میں

اِک ایسی آگ لگا دینا

جو نئی سحر کی آمد تک

اس دھرتی کی پیشانی سے

تاریکی کو بے دخل کرے

اور اندھیاروں کو قتل کرے

وہ سارے سَمے جو بیت گئے

کیا ہار گئے کیا جیت گئے

جتنے دکھ سکھ کے ریلے تھے

ہم سب نے مل کر جھیلے تھے !!

شاعر: سلیم کوثر

Woh Saaray Samay Jo Beet gaye

Kiya Haar gaye, Kiya Jeet gaye

Jitnay Dukh sukh K Railay Thay

Hum Sab Ne mil Kar Jheilay Thay

Ab Shayad Kuch Bhi Yaad Nahi

Kabhi Waqt Mila To Sochein gay

Apas K Piyaar gharondoon Ko

Guriyouon K Khail Khiloonon Ko

Geeton sy Mehki Kiyaari Ko

Angan Ki Phal-Phulwari Ko

Dharti par Aman Ki Khahish Ko

Mosam Ki Pehli Barish Ko

Kin Haathon Ne Bay-Hal Kiya

Kin Qadmoon sy Pamaal Huey

Woh Saaray Samay Jo Beet gaye

Mil Jhul Kar Kitnay Saal Huey

Ye Saal, Maheenay, Din, gharriyan

Hum sab sy aagay Nikal gaye

Hum Jivan Rutt men jurray Huey

Kabhi Sambhal gaye, Kabhi Phisal gaye

Daman mein saber Ki Mayah hai

Kuch Aas Umeed Ki Chaya Hai

Her rah mein Kantay parray Huey

Her morr py Dukh hain Kharray huey

Hum Barray Huey

Ye Loori Paas nahi rehti

HumeiN Neind Ki Aas nahi Rehti

Meri Baat Suno

Jab Haan Inkaar mein Lipti Ho

Tasveer ghubaar mein Lipti Ho

Kaheein Rishtay Tootnay Walay Hoon

Ya Apnay Chootnay walay Hoon

Jab Her Janib Devaarein Hoon

Aur Paaon parri Dastaarein Hoon

Jab Sachi Baat py Haath Uthein

Phir Uthnay Walay Haath Katein

Jab Jhooth sy Asal Badal Jaye

Insaaf Ki Shakal Badal Jaye

Jab Aman ki Rah na milti Ho

Aur Kahein panah na Milti Ho

Kahein Zulm Ki Aarii Chalti Ho

Aur Diloon mein Nafrat palti Ho

Kaantoon sy Bharray Jangal mein Agar

Rangoon Ki Sawaari jalti Ho

Aisay mein Lahoo Ki Khushbo sy

Man Phulwari Mehka Dena

Jahaan Jevann Sur Khamosh Ho TUm

Awaaz K Deep Jala Dena

Jab Sach Baaton par Haath Uthein

Tum Apna Haath Utha Dena

Jab Koi Nayii Divaar girray

Tum Anchal Ko Lehraa Dena

Aur Teerah Shabi K Daman mein

ik Aisi Aag Laga Dena

Jo Nayii Sehar Ki Amad Tak

iss Dharti Ki pashimaani sy

Tareeki Ko Bay-Dakhal Karay

Aur Andhiyaaron Ko Qatal Karay

Woh Saaray Samay Jo Beet gaye

Kiya Haar Gaye Kiya Jeet Gaye

Jitnay Dukh sukh K Reilay Thay

Hum Sab Ne Mil Kar Jheelay Thay

Poet: Saleem Kosar