اب تو خواہش ہے کہ یہ زخم بھی کھا کر دیکھیں

اب تو خواہش ہے کہ یہ زخم بھی کھا کر دیکھیں

لمحہ بھر کو ہی سہی اُس کو بُھلا کر دیکھیں

شہر میں جشنِ شبِ قدر کی ساعت آئی

آج ہم بھی تیرے ملنے کی دعا کر دیکھیں

آندھیوں سے جو الجھنے کی کسک رکھتے ہیں

اِک دِیا تیز ہَوا میں بھی جلا کر دیکھیں

کچھ تو آوارہ ہواؤں کی تھکن ختم کریں

اپنے قدموں کے نشاں آپ مِٹا کر دیکھیں

زندگی اب تجھے سوچیں بھی تو دم گھٹتا ہے

ہم نے چاہا تھا کبھی تجھ سے وفا کر دیکھیں

جن کے ذرّوں میں خزاں ہانپ کے سو جاتی ہے

ایسی قبروں پہ کوئی پھول سجا کر دیکھیں

دیکھنا ہو تو محبت کے عزاداروں کو

ناشناسائی کی دیوار گِرا کر دیکھیں

یوں بھی دنیا ہمیں مقروض کئے رکھتی ہے

دستِ قاتل تیرا احساں بھی اٹھا کر دیکھیں

رونے والوں کے تو ہمدرد بہت ہیں محسن

ہنستے ہنستے کبھی دنیا کو رُلا کر دیکھیں

شاعر: محسن نقوی

Ab To Ye Khawahish hai K Ye zakham Bhi Kha Kar Deikhein

Lamha Bhar Ko Hi sahi, Usko Bhula Kar Deikhein

Shehar mein jashn-e-shab-e-qadar ki ssat aaii hai

Aaj Hum Bhi Teray milnay Ki Dua Kar Deikhein..

Aandhiyon sy jo Ulajhnay Ki Kasak rakhtay Hein..

ik Diya Taiz Hawa mein Bhi jala Kar Deikhein..

Zindgi ab Tujhay Sochein Bhi Yo Dam ghut'ta hai..

Hum Ne Chaha Tha, Kabhi Tujh sy wafa Kar Deikhein..

Jin K zarron mein Khizaan Haanp K Soo jati Hai

Aisi Qabroon mein Koi phool Saja Kar Deikhein ..

Deikhna Ho To muhabat K Azaa'daron Ko..

Na'shnasaai Ki Diwaar gira Kar Deikhein..

Youn Bhi Duniya Humein Maqrooz Kiay rakhti hai...

Dast-e-Qatil Tera ehsaan Bhi Utha Kar Deikhein

Roonay waalon K To Hamdard Bahot Hain ''MOHSIN''...

Hanstay Hanstay Kabhi Duniya Ko Rula Kar Deikhein..

Poet; Mohsin NAqvi