آ کسی شام کسی یاد کی دہلیز پہ آ

آ کسی شام کسی یاد کی دہلیز پہ آ

عمر گزری تجھے دیکھے ہوئے بہلائے ہوئے

یاد ہے؟

ہم تجھے دل مانتے تھے

اپنے سینے میں مچلتا ہوا ضدی بچہ

تیرے ہر ناز کو انگلی سے پکڑ کر اکثر

نت نئے خواب کے بازار میں لے آتے تھے

تیرے ہر نخرے کی فرمائش پر

ایک جیون کہ تمناؤں کی بینائی سے

ھم دیکھتے تھکتے ہی نہ تھے

سوچتے تھے ایک چھوٹا سا نيا گھر

نيا ماحول محبت کی فضا

ھم دونوں

اور کسی بات پر تکیوں سے لڑائی اپنی

پھر لڑائی میں کبھی ہنستے ہوئے رو پڑنا

اور کبھی روتے روتے ہنس پڑنا

اور تھک ہار کے گر پڑنے کا مصوم خوش بخش خیال

یاد ہے؟

ہم تجھے سکھ جانتے تھے

رات ہنس پڑتی تھی بےساخته درشن سے تیرے

دن تیری دوری سے رو پڑتا تھا

یاد ہے؟

ہم تجھے جاں کہتے تھے

تیری خاموشی سے ہم مرجاتے

تیری آواز سے جی اٹھتے تھے

تجھ کو چھو لینے سے اک زندگی

آ جاتی تھی شریانوں میں

تھام لینے سے کوئی شہر سا بس جاتا تھا ويرانوں میں

یاد ہے؟

ہم تجھے ملنے کے لیے وقت سے پہلے پہنچ جاتے تھے

اور ملاقات کے بعد ہم بہت دیر سے گھر آتے

تو کہتے کہ ہمیں کچھ نہ کہو ہم بہت دور سے گھر آئے ہیں

اس قدر دور سے آئے ہیں کہ شاید ہی کوئی آ پائے

یاد ہے؟

ہم تجھے بھگوان سمجھتے تھے مگر کفر سے ڈر جاتے تھے

تیرے چھن جانے کا ڈر ٹھیک سے رکھتا تھا مسلمان ہمیں

آ کسی شام کسی یاد کی دہلیز پہ آ

تیرے بھولے ھوئے رستوں پہ 

لیے پھرتا ہے ایمان ہمیں

اور کہتا ہے کہ پہچان ہمیں

یاد ہے

ہم تجھے ایمان کہا کرتے تھے!

شاعر : فرحت عباس شاہ

Aa Kisi Shaam Kisi Yaad Ki Dehleez py aa

Umr guzri hai Tujhay Deikhay Huey Behlay Huey

Yaad Hai?

Hum Tujhay Dil Maantay Thay

Apnay Seenay mein Machalta Hua Ziddi Bacha

Teray Her Naaz Ko Unglisy pakarr kar aksar

Nit Naye Khawaab K Bazaar mein Lay aatay Thay

Teray Her Nakhray Ki Farmaish par

aik Jewan K Tamanaaon Ki Beenaii sy

Hum Deikhtay Thaktay Hi Na Thay

Sochtay Thay

aik CHota sa Naya ghar, Naya Mahool, Muhobat Ki Fiza

Hum Dono

Aur Kisi Baat par Takiyouon sy Laraaii Apni

Phir Larraii mein Kabhi Hanstay Huey Roo parrna

Aur Kabhi Rootay Rootay Hans parrna

Aur Thak Haar K girr parrnay Ka Masoom KHush-Bakhsh Khayal

Yaad Hai ?

Hum Tujhay Sukh Jantay Thay

Raat Hans parrti Thi Be-sakhta Darshan sy Teray

Din Teri Doori sy Roo parrta Tha

Yaad hai ?

Hum Tujhay Jaan Kehtay Thay

Teri Khamoshi sy Hum marr jatay

Teri Aawaaz sy Jee uthtay They

Tujh KO chu Lenay sy ik Zindagi 

aa jati Thi Shariyaano mein

Thaam Lenay sy Koi Shehar sa Bas Jata Tha Veeraanon mein

Yaad Hai ?

Hum Tujhay Milnay K Liye

Waqt sy pehlay Pohnch jatay Thay

aur Mulaqaat K Baad

Hum Bahot Dair sy gharr aatay Thay

To Kehtay K Humein Kuch Na Kaho, Hum Bahot Door sy gharr aaye Hain

iss Qadar Door sy aaye hain

K Shayad Hi Koi Aa payee

Yaad Hai?

Hum Tujhay Bhagwaan Samjhtay Thay

Magar Kufar sy Darr jatay Thay

Teray Chinn Janay Ka Darr

Thek sy Rakhta Tha Musalmaan Humein

Aaa Kisi Shaam Kisi Dehleez py aa

Teray Bhoolay Huey raston par

Liye phirrta Hai Emaan Humein

aur Kehta Hai Pehchaan Humein

Yaad Hai

Hum Tujhay Emaan Kaha Kartay Thay

Poet: Farhat Abaas Shah