میں خیال ہوں کسی اور کا مجھے سوچتا کوئی اور ہے

میں خیال ہوں کسی اور کا مجھے سوچتا کوئی اور ہے

سرِ آئینہ مرا عکس ہے پس ِ آئینہ کوئی اور ہے

میں کسی کے دست ِ طلب میں ہوں تو کسی کے حرف ِ دعا میں ہوں

میں نصیب ہوں کسی اور کا مجھے مانگتا کوئی اور ہے

عجب اعتبار و بے اعتباری کے درمیان ہے زندگی

میں قریب ہوں کسی اور کے، مجھے جانتا کوئی اور ہے

تجھے دشمنوں کی خبر نہ تھی، مجھے دوستوں کا پتہ نہ تھا

تری داستاں کوئی اور تھی، مرا واقعہ کوئی اور ہے

وہی منصفوں کی روایتیں، وہی فیصلوں کی عبارتیں

مرا جرم تو کوئی اور تھا، پہ مری سزا کوئی اور ہے

کبھی لوٹ آئیں تو پوچھنا، نہیں دیکھنا انہیں غور سے

جنہیں راستے میں خبر ہوئی کہ یہ راستہ کوئی اور ہے

مری روشنی ترے خدّ و خال سے مختلف تو نہیں مگر

تُو قریب آ تجھے دیکھ لوں تُو وہی ہے یا کوئی اور ہے

جو مری ریاضتِ نیم شب کو سلیم صبح نہ مل سکی

تو پھر اس کے معنی تو یہ ہوئے کہ یہاں خدا کوئی اور ہے

شاعر: سلیم کوثر

Mein Khayaal Hoon Kisi Aur Ka Mujhay Sochta Koi aur Hai

Sar-e-Aaina Mera Aks hai, Pass-e-Aaina Koi aur Hai 

Mein Kisi K Dast-e-Talab mein Hoon, To Kisi K Harf-e-Dua mein Hoon

Mein Naseeb Hoon Kisi Aur Ka Mujhay Maangta Koi aur Hai

Ajab Aitibaar-o-Bay-Aitibaari K Darmiyaan Hai Zindagi

Mein Qareeb Hoon Kisi Aur K, Mujhay Jaanta Koi Aur Hai

Tujhay Dushmanon Ki Khaber Na Thi, Mujhay Dostoon Ka pata Na Tha 

Teri Dastaan Koi aur Hai, Mera Waqqiya Koi aur Hai

Wohi Munsifoon Ki Riwaayatein, Wohi Fisaloon Ki Abaaratein 

Mera Jurm To Koi aur Tha, py Meri Saza Koi aur Hai

Kabhi Laot aayein To puchna, Nahi Deikhna Unhein gharo sy 

Jinhein Raastay mein Khaberr Huii, K Ye Raasta Koi aur Hai

Meri Roshni Teray Khal-o-Khad sy Mukhtalif To Nahi Magar

Tu Qareeb Aa Tujhay Deikh Loon, Tu WOhi Hai Ya Koi aur Hai

Jo Meri Riyazat-e-Neem-Shab Ko "Saleem" Subh Na mil Saki

To phir Us K Maa'ani To Ye Huey, K Yahaan Khuda Koi aur Hai...

Poet: Saleem Kousar