اداسی روز بڑھتی ہے ۔۔!!!

!!!اداسی روز بڑھتی ہے ۔۔

کسی کی یاد میں گم صم، تھکی ہاری

ستاروں کے نگر سے شام جب بھی لوٹ آتی ہے

مری آنکھوں کے ویراں صحن میں سر کو جھکائے چلنے لگتی ہے

اداسی بڑھنے لگتی ہے

مرے کانوں میں جب بھی وصل کے لمحوں کی

اک آہٹ سی آتی ہے

تو میری، ہجر آلودہ سی پلکوں پر ستارے جاگ اٹھتے ہیں

کسی کی شکل بنتی اور بکھرتی ہے

اداسی بڑھنے لگتی ہے

کبھی جب ان گنت صدیوں سے چلتے قافلوں کا سلسلہ

مجھ تک پہنچتا ہے

توہجرت پاؤں سے سرگوشیاں سی کرنے لگتی ہیں

اداسی بڑھنے لگتی ہے

میں جب بھی ریگزاروں کی کہانی پڑھنے لگتا ہوں

کسی کی یاد میرے گھر کی دیواروں پہ

ننگے پاؤں اکثر چلنے لگتی ہے

اداسی بڑھنے لگتی ہے

اداسی جب بھی بڑھتی ہے

تو مجھ کو دل کے بے مقصد دریچوں، طاقچوں سے جھانکتی ہے

اور مرے ہونٹوں کی خاموشی سے مجھ کو مانگتی ہے

مرے سینے پہ پھر یہ وحشیانہ رقص کرتی ہے

یہ میرے جسم کے کتبے پہ کوئی لفظ لکھتی ہے

اداسی روز بڑھتی ہے ۔۔!!!

Udaasi Roz Bharti hai

Kisi Ki Yaad men gum-Sum Thaki Harri

Sitaro K Nagar sy Shaam jab Bhi Loat aati hai Meri aankhon K Veraan Sehann men Sar Ko Jhukaye Chalnay Lagti hai

Udasi Barhney Lagti Hai

Meray Kanoo men jab Bhi Wasl K Lamhoon Ki ik ahaat C aati hai

To meri, Hijr aloda C palkoon par Sitaray jaag Uthtay Hain

Kisi Ki Shakal Banti aur Bikharti hai

Udasi Barhney Lagti Hai

Kabhi jab An-ginat Sadiyoun sy Chaltey Qafloon Ka Silsila mujh Tak phonchta hai

To Hijraat paoon sy Sar_goshiyaan C Karny Lagti Hain

Udasi Barhnay Lagti Hai 

Me jab Bhi rah_guzaroon Ki Kahani parhnay Lagta Hoon

Kisi Ki Yaad Mery ghar Ki Dewaroon py

Nangy paoon Aksar Chalnay Lagti hai

Udasi Barhnay Lagti hai

Udasi jab Bhi Barhti hai,,,,, To mujh Ko Dil K Bay_Maqsad Darechoon, Taqchoon sy jhankti hai

Aur Mery Hontoon Ki Khamoshi sy Mujh Ko Maangti hai

Meray Seenay py phir Ye Wehshiyana RAQAS Krti Hai

Ye Mery jism K Kutbay py Koi Lafz Likhti hai

Udasi Roz Barhti hai