یہ خوف دِل میں نگاہ میں اضطراب کیوں ہے؟

یہ خوف دِل میں نگاہ میں اضطراب کیوں ہے؟

طلوع محشر سے پیشتر یہ عذاب کیوں ہے

کبھی تو بدلے یہ ماتمی رُت اُداسیوں کی

میری نگاہوں میں ایک سا شہر خواب کیوں ہے

کبھی کبھی تیری بے نیازی سے خوف کھا کر

میں سوچتا ہُوں کہ تُو میرا انتخاب کیوں ہے؟

فلک پہ بکھری سیاہیاں اب بھی سوچتی ہیں

زمیں کے سر پہ یہ چادر آفتاب کیوں ہے

ترس گئے میرے آئینے اُس کے خال و خد کو

وہ آدمی ہے تو اس قدر لاجواب کیوں ہے؟

اُسے گنوا کر پھر اُس کو پانے کا شوق کیسا؟

گناہ کر کے بھی انتظارِ ثواب کیوں ہے

تیرے لیے اُس کی رحمتِ بے کنار کیسی؟

میرے لیے اُس کی رنجش بے حساب کیوں ہے؟

اُسے تو ”محسن” بلا کی نفرت تھی شاعروں سے

پھر اُس کے ہاتھوں میں شاعری کی کتاب کیوں ہے؟

شاعر: محسن نقوی

کتاب: برِگِ صحرا

Ye Khaof Dil mein Nigah mein Iztaraab Kiyun Hai ??

Talo-e-Mehshar sy Paishtarr Ye Azaab Kiyun Hai ?

Kabhi To Badlay Ye Matmi Rutt Udaasiyoun Ki

Meri Nigahoon mein aik sa Shehar-e-Khawaab Kiyun Hai ?

Kabhi Kabhi Teri Bay-Niyaazi sy Khaof Kha Kar

Mein Sochta Hoon K Tu Mera Intikhaab Kiyun hai ?

Falak py Bikhrii Siyaahiyaan ab Bhi Sochti Hain

Zameen K Sar py Ye Chaand Aftaab Kiyun Hai 

Tarss gaye Meray Aainnay Us K Khaal-o-Khad Ko

Woh Admi Hai To iss Qadar La_Jawaab Kiyun Hai ?

Ussay Ganwa Kar phir Us Ko Paanay Ka Shaok Keisa ?

Gunah Kar K Bhi Intizaar-e-Sawaab Kiyun Hai ?

Teray Liye Us Ki Rehmat-e-Bay-Kinaar Keisi ?

Meray Liye Uski Ranjish Bay-Hisaab Kiyun Hai ??

Ussay To "MOhsin" Bala Ki Nafrat Thi Shayairon sy ....

Phir Uss K Haathon mein Shayarii Ki Kitaab Kiyun Hai ??

Poet: Mohsin Naqvi

Book: Barg-e-Sehraa