دل تجھے ناز ہے جس شخص کی دلداری پر

دل تجھے ناز ہے جس شخص کی دلداری پر

دیکھ اب وہ بھی اُتر آیا اداکاری پر

میں نے دشمن کو جگایا تو بہت تھا لیکن

احتجاجاً نہیں جاگا مری بیداری پر

آدمی، آدمی کو کھائے چلا جاتا ہے

کچھ تو تحقیق کرو اس نئی بیماری پر

کبھی اِس جرم پہ سر کاٹ دئے جاتے تھے

اب تو انعام دیا جاتا ہے غدّاری پر

تیری قربت کا نشہ ٹوٹ رہا ہے مجھ میں

اس قدر سہل نہ ہو تو مری دشواری پر

مجھ میں یوں تازہ ملاقات کے موسم جاگے

آئینہ ہنسنے لگا ہے مری تیاری پر

کوئی دیکھے بھرے بازار کی ویرانی کو

کچھ نہ کچھ مفت ہے ہر شے کی خریداری پر

بس یہی وقت ہے سچ منہ سے نکل جانے دو

لوگ اُتر آئے ہیں ظالم کی طرف داری پر

سلیم کوثر : شاعر

Dil Tujhay Naaz Hai Jis Shaks Ki Dil-Daari Par . . .

Deikh Ab Woh Bhi Utarr aaya Ada-Kaari Par . . .

MeiNe Dushaman Ko Jagaya To Bahot Tha Lekin . . .

Ehtajaajann Nahi Jaga Meri Beidaari Par . . .

Admi, Admi Ko Khaye Chala jata Hai . . .

Kuch To TehQeeQ Karo iss Nayii Be-maari Par . . .

Kabhi is Jurm py Sar Kaat Diye Jaatay Thay . . .

Ab To Inaam Diya Jata Hai ghadaari Par . . .

Teri Qurbat Ka Nasha Toot Raha Hai Mujh mein . . .

Is Qadar Sehal Na Ho Meri Dushwaari Par . . .

Mujh mein Youn Taaza Mulaqaat K Mosam Jagay . . .

Aeina Hasnay Laga Hai Meri Tiyaari Par . . .

Koi Deikhay Bharay Bazaar Ki Veerani Ko . .

Kuch Na Kuch Muft Hai Her Shay Ki Kharidaari Par . . .

Bas Yehi Waqt Hai Sach Munh sy Nikal janay Do . . .

Log Utarr aaye Hain Zulm Ki Tarfdaari Par...!!!

Poet: Saleem Kausar