رُوٹھا تو شہرِ خواب کو غارت بھی کر گیا

رُوٹھا تو شہرِ خواب کو غارت بھی کر گیا

پھر مُسکرا کے تازہ شرارت بھی کر گیا

شاید اُسے عزیز تھیں آنکھیں میری بہت

وہ میرے نام اپنی بصارت بھی کر گیا

منھ زور آندھیوں کی ہتھیلی پہ اِک چراغ

پیدا میرے لہو میں حرارت بھی کر گیا

بوسیدہ بادبان کا ٹکڑا ہوا کے ساتھ

طوفاں میں کشتیوں کی سفارش بھی کر گیا

دل کا نگر اُجاڑنے والا ہنر شناس

تعمیر حوصلوں کی عمارت بھی کر گیا

سب اہلِ شہر جس پہ اُٹھاتے تھے اُنگلیاں

وہ شہر بھر کو وجہءِ زیارت بھی کر گیا

محسن یہ دل کہ اُس سے بچھڑتا نہ تھا کبھی

آج اُس کو بھولنے کی جسارت بھی کر گیا

مُحسن نقوی

Rootha To Shehar-e-Khaab Ko gharat Bhi Kar gaya,

Phir Muskara K Taaza Shararat Bhi Kar gaya,

Shayad Ussay Azeez Thi Aankhen Meri Bohat

Woh Meray Naam Apni Basaa'rat Bhi Kar gaya,

Moun-Zoor Aandhiyon Ki Hatheli py Ek Charagh

Paida Meray Lahoo Men Hara'rat Bhi Kar gaya,

Boseeda Baad'baan Ka Tukra Hawa K Saath

Toofaan Men Kashtiyon Ki Sifarish Bhi Kar gaya,

Dil Ka Nagar Ujaarney Wala Hunar Shanaas

Tameer Hosloon Ki Imaarat Bhi Kar Gaya,

Sab Ehl-e-Shaher Jis py Uthatay Thay Ungliyaan

Woh Shehar Bharr Ko Wajah-e-Ziyarat Bhi Kar gaya,

"Mohsin" Ye Dil K Us sy Bichartha Na Tha Kabhi

Aaaj Usko Bholney Ki Jisaarat Bhi Kar Gaya,

Mohsin Naqvi