یہ جو وقت ہے مرے شہر پر

یہ جو وقت ہے مرے شہر پر 

یہ جو وقت ہے مرے شہر پر کئی موسموں سے رُکا ہوا

اِسے اِذن دے کہ سفر کرے

اِسے حکم دے کہ یہ چل پڑے ۔۔ مرے آسمان سے دُ ور ہو

کوئی چاند چہرہ کُشا کرے ؛ کوئی آفتاب ظہور ہو

کہ نواحِ چشمِ خیال میں وہ جو خواب تھے ۔۔ وہ دھواں ہوئے

وہ جو آگ تھی وہ نہیں رہی، جو یقین تھے وہ گماں ہوئے

کوئی دُھند ہے جسے دیکھتے مری آنکھ برف سی ہو گئی

وہ عبارتِ سرِ لوحِ دل، کسی ربط سے نہیں آشنا

کہ جو روشنی تھی کتاب میں وہی حرف حرف سی ہو گئی

کوئی گرد باد اُٹھے کہیں کسی زلزلے کی نمود ہو

یہ جو ہست ہے مرے چار سو، کوئی معجزہ کہ یہ “بود” ہو

مری آنکھ میں یہ جو رات ہے مری عمر سی اسے ٹال دے

مرے دشتِ ریگِ ملالکو کسی خوش خبر کا غزال دے

یہ فلک پہ جتنے نجوم ہیں ترے حکم کے ہیں یہ منتظر

وہ جو صبحِ نو کا نقیب ہو مری سمت اُس کو اُچھال دے

شاعر: امجد اسلام امجد

Yeh Jo Waqt Hai Mery Shehar par. . Kayi Mosmoon sy ruka Hoa . . .

issay izn Day K Safar Karay. .

issay Hukm Day K Ye Chal parray, Meray Aasmaan sy Door Ho. . .

Koi Chaand Chehra Kushaa Karay, Koi Aaftaab Zahoor Ho . . .

K Nawah-e-Chashm-e-Khayaal mein Woh jo Khaab Thay, Woh Dhuwaan Hoey . . .

Woh jo aag Thi. . Woh naheen rahi, Jo Yaqeen Thay Woh gumaan Hoey . . .

Koi Dhund hai jissay Dekhtay Meri aankh Baraf C Ho gayi . . .

Woh ibarat-e-sir-e-Loh-e-Dil, Kissi Rabt sy Nahi aashna . . .

Keh jo roshni Thi Kitaab mein , Wohi Harf Harf C Ho gayi . .. 

Koi gardbaad uthay Kaheen, Kissi Zalzaly Ki namood Ho . . .

Yeh Jo "hast" Hai Meray chaar soo, Koi mojaza K Yeh "bood" Ho . . .

Meri aankh mein Yeh jo Raat hai, meri Umr C, issay Taal Day . . .

Meray Dasht-e-raig-e-malaal Ko kissi khush-khabr Ka ghazzaal Day . .

Yeh Falk py jitnay nujoom Hain Teray Hukm K Hain Yeh Muntazir . . .

Woh jo subh-e-nau Ka Naqeeb Ho Meri Simt Us Ko uchhaal Day...!!

Poet: Amjad Islam AMjad