کچھ دیر ہمارے ساتھ رہو

کچھ دیر ہمارے ساتھ رہو

کچھ اپنے رنگ بکھرنے دو

کچھ اپنی خوشبو بکھراؤ

اور شیریں شبنمی لہجے میں 

کوئی نرم ملائم بات کرو

جس لمحے میں موجود ہیں ہم وہ لمحہ موج ہے ساگر کی

تم اِس لمحے کے ساتھ بہو

کچھ دیر ہمارے ساتھ رہو

تاریخ کے جبر کی بات ہی کیا 

ہم دونوں کی اوقات ہی کیا

کچھ روپ کا سونا دان کرو، خیرات اپنی مسکان کرو

ہم جیسے شاعر لوگوں کا، جینا مرنا آسان کرو

صندل سی بانہیں پھیلاؤ، کچھ نظمیں غزلیں دے جاؤ

جو شاید باقی رہ جائیں

پھر دو سو سال کے بعد کوئی نقاش کمال ِ فن کر دے

اپنی ہر پور قلم کر دے

اور راج کٹاس کے پتھر پر

اِک لوک روایت نقش کرے

ہم دونوں کو تمثیل کرے، آئینہ عکس بہ عکس کرے

جس عکس پہ خوشبو لہرائے

جس نقش پہ تتلی رقص کرے

پھر ایک ہزار برس گزریں، پھر چار ہزار برس گزریں

آثار شناسی کے ماہر اس دور کی جب تحقیق کریں

اس رسم الخط کو پہچانیں، اس لمحے کی تصدیق کریں

یہ لمحہ قائم و دائم ہو

اِس لمحے کی سب کوملتا ، اس عہد کے شاعر تک پہنچے

یہ قصہ آخر تک پہنچے

کچھ دیر ہمارے ساتھ رہو

کوئی کیا جانے، لمحہ بھر میں، یہ لمحہ اپنے ساتھ نہ ہو 

کچھ دیر ہمارے ساتھ رہو

ڈاکٹر کوثر محمود

Kuch Deir Humaray Saath Raho

Kuch Apny Rung Bikharnay Do

Kuch Apni Khushboo Bikhrao

Aur Shereein Shabnami Lehjay men

Koi Narm Mulaaim Baat Karo 

Jis Lamhay men mojood Hain Hum

Ye Lamha Maoj hai Sagar Ki

Tum iss Lamhay K Saath Baho 

Kuch Deir Humaray Saath Raho

Tareekh K Jaber Ki Baat Hi Kiya

Hum Dono Ki oqaat Hi Kiya

Kuch Roop Ka Soona Daan Karo , Khairaat Apni Muskaan Karo

Hum Jeisay Shayar Logo0n Ka , Jeena Marna Aasaan Karo

Sandal C Baanhein pheilao, Kuch Nazmein Ghazlein Day Jao

Jo Shayad Baqi Reh Jayein

Phir 200 Saal K Baad Koi Naqaash Kamaal-e-Fun Kar Day

Apni Her Poor Qalam Kar Day

Aur Raaj Kattas K Pathar par

ik Look Riwayat Naqsh Kary

Hum Dono Ko Tamseel Karay , Aanina Aks Ba Aks Karray

Jis Aks py Khusbhoo Lehraye , Jis Naqsh py Titli Raqs Karay

Phir aik Hazaar Baras guzrein , Phir Chaar Hazaar Baras guzrein

Aasaar Shanaasi K Mahir , is Daor Ki Jab Tehqeeq Karein 

Is Rasm ul Khat Ko pehchaanein , Is Lamhay Ko Tasdeeq Karein 

Ye Lamha Qayam-o-Dayam Ho

Is Lamhay Ki sub Komalta , Us Ehad-e-Shayar Tak pohnchay 

Ye Qissa aakhir Tak pohnchay 

Kuch Dair Humaray Saath Raho

Koi Kiya Janay, Lamha Bhar men , Ye Lamha Apny Saath Na Ho

Kuch Dair Humaray saath Raho 

(Dr Kousar Mehmood)