تجھ کو بُھولے ہیں تو کچھ دوش زمانے کا نہ تھا

تجھ کو بُھولے ہیں تو کچھ دوش زمانے کا نہ تھا

اب کے لگتا ہے کہ یہ دکھ ہی ٹھکانے کا نہ تھا

یہ جو مقتل سے بچا لائے سروں کو اپنے

ان میں اک شخص بھی کیا میرے گھرانے کا نہ تھا

ہر برس تازہ کِیا عہدِ محبت کو عبث

اب کُھلا ہے کہ یہ تہوار منانے کا نہ تھا

اب کے بے فصل بھی صحرا گل و گلزار سا ہے

ورنہ یہ ہجر کا موسم ترے آنے کا نہ تھا

دوش پر بارِ زمانہ بھی لئے پھرتے ہیں

مسئلہ صرف ترے ناز اٹھانے کا نہ تھا

یار! کیا کیا تری باتوں نے رُلایا ہے ہمیں

یہ تماشا سرِ محفل تو دِکھانے کا نہ تھا

کوئی کس منہ سے کرے تجھ سے شکایت جاناں

جس کو تُو بھول گیا یاد ہی آنے کا نہ تھا

آئے دن اک نئی آفت چلی آتی ہے”فراز”

اب پشیماں ہیں کہ یہ شہر بسانے کا نہ تھا

شاعر: احمد فراز

Tujh Ko Bhoolay Hain To Kuch Dosh Zamanay Ka Na Tha . . .

Ab K Lagta Hai Ye Dukh Bhi Thikanay Ka Na THa . .

Ye jo Maqtal sy Bacha Laaye Sarron Ko apnay . .

in mein ik Shaks Bhi Kiya meray gharranay Ka Na Tha ? ...

Her Bars Taaza Kiya Ehad-e-Muhobat Ko abas . . 

Ab Ye Khula Hai K Ye Tehwaar Manaanay Ka Na Tha . .

Ab K Bay-Fasal Bhi Sehraa gull-o-gulzaar sa Hai . 

Warna Ye Hijar Ka mosam Teray aanay Ka Na Tha . . .

Dosh par Baar-e-Zamana Bhi Liye Phirrtay Hain . .

Masaala Sirf Teray Naaz Uthanay Ka Na Tha . . .

Yaar Kiya Kiya Teri Baton Ne Rulaya Hai Humein . . .

Ye Tamasha Sar-e-Mehfil To Dikhanay Ka Na Tha . ..

Koi Kis Munh sy Karray Tujh sy Shikayat Janaan . . . 

Jis Ko Tu Bhool gaya Yaad Hi aanay Ka Na Tha ..

Aaye Din ik Nayii Afat Chali aati Hai "Faraaz" . .

Ab Pasheemaan Hai K Ye Shehar Basaanay Ka Na Tha..!!

Poet: Ahmad Faraaz