کوئی خواب دشتِ فراق میں سرِشام چہرہ کشا ہُوا

کوئی خواب دشتِ فراق میں سرِشام چہرہ کشا ہُوا

مِری چشمِ تر میں رُکا نہیں کہ تھا رَتجگوں کا ڈسا ہُوا

مِرے دِل کو رکھتا ہے شادماں، مرے ہونٹ رکھتا ہے گُل فشاں 

وہی ایک لفظ جو آپ نے مِرے کان میں ہے کہا ہُوا

ہے نِگاہ میں مِری آج تک وہ نِگاہ کوئی جُھکی ہُوئی 

وہ جو دھیان تھا کِسی دھیان میں، وہیں آج بھی ہے لگا ہُوا

مِرے رَتجگوں کے فشار میں, مِری خواہشوں کے غبار میں

وُہی ایک وعدہ گلاب سا سرِ نخل جاں ہے کِھلا ہُوا

تری چشمِ خُوش کی پناہ میں کِسی خواب زار کی راہ میں 

مِرے غم کا چاند ٹھہر گیا کہ تھا رات بھر کا تھکا ہُوا

ہے یہ مُختصر، رہِ عشق پر، نہیں آپ ہم، رہے ہم سَفر 

تو لو کس لیے یہ مباحثہ، کہاں, کون, کیسے, جُدا ہُوا

کِسی دل کُشا سی پُکار سے اُسی ایک بادِ بہار سے

کہیں برگ برگ نمو مِلی، کہیں زخم زخم ہَرا ہُوا

ترے شہرِ عَدل سے آج کیا سبھی درد مند چلے گئے 

نہیں کاغذی کوئی پیر ہن، نہیں ہاتھ کوئی اُٹھا ہُوا

امجد اسلام امجد

Koi Shaam Dasht-e-Firaaq mein Sar-e-Shaam Chehra Kusha Hua . . . 

Meri Chasham-e-Tarr mein Ruka Nahi K Tha Ratt-jagoon Ka Dassa Hua . . .

Meray Dil Ko Rakhta Hai Shaadmaan, Meray Hoont Rakhta Hai gul-Fishaan . . .

Wohi aik Lafz Jo Aap Ne Meray Kaan mein Hai Kaha Hua . . .

Hai Nigah mein Meri Aaj Tak Woh Nigah Koi Jhuki Huii . . .

Woh Jo Dhiyaan Tha Kisi Dhiyaan mein, Wohein Aaj Bhi Hai Laga Hua . . .

Meray Rat-jagoon K Fishaar mein, Meri Khahishoon K ghubaar mein . . .

Wohi aik Wada gulaab sa , Sar-e-Nakhal-e-Jaan Hai Khila Hua . . .

Teri Chasham-e-Khush Ki Panah mein, Kisi Khaab-Zaar Ki Rah mein . . .

Meray gham Ka Chaand Theharr gaya, K Tha Raat Bharr Ka Thaka Hua . . .

Hai Ye Mukhtasarr, Rah-e-Ishq par, Nahi Aap Hum, Rahay Hum-Saferr . . .

To Lo Kis Liye Ye Mubahissa, Kahaan, Kon, Keisay Juda Hua . . .

Kisi Dil Kusha C Pukaar sy, Ussi Aik Baad-e-Bahaar sy . . .

Kahein Barg Barg Namo mili . Kahein Zakham Zakham Harra Hua . . .

Teray Shehar-e-Adal sy Aaj Kiya, Sabhi Dard mand Chalaye gaye . . . .

Nahi Kaaghazi Koi Pirhan, Nahi Haath Koi Utha Hua . . .

Poet: Amjid Islam Amjid