اب کے تجدیدِ وفا کا نہیں امکاں جاناں

اب کے تجدیدِ وفا کا نہیں امکاں جاناں

یاد کیا تجھ کو دلائیں تیرا پیماں جاناں

یوں ہی موسم کی ادا دیکھ کے یاد آیا ہے

کس قدر جلد بدل جاتے ہیں انساں جاناں

زندگی تیری عطا تھی سو تیرے نام کی ہے

ہم نے جیسے بھی بسر کی تیرا احساں جاناں

اب ترا ذکر بھی شاید ہی غزل میں آئے

اور سے اور ہوئے درد کے عنواں جاناں

ہم بھی کیا سادہ تھے ہم نے بھی سمجھ رکھا تھا

غمِ دوراں سے جدا ہے غمِ جاناں جاناں

ہم، کہ روٹھی ہوئی رُت کو بھی منالیتےتھے

ہم نے دیکھا ہی نہ تھا موسم ہجراں جاناں

ہوش آیا تو سب ہی خاک تھے ریزہ ریزہ 

جیسے اُڑتے ہوئے اُوراقِ پریشاں جاناں

۔۔۔ احمد فراز

Ab K Tajdeed-e-Wafa Ka Nahi Imkaan Janaa'n

Yaad Kiya Tujh Ko Dilaaein Tera Paimaan Janaa'n

Youn Hi Mosam Ki Ada Deikh K Yaad aaya Hai

Kis Qadar Jald Badal Jatay Hain Insaan Janaa'n

Zindagi Teri Ata Thi so Teray Naam Ki Hai

Hum Ne Jeisay Bhi Basar Ki Tera Ehsaan Janaa'n

Ab Tera Zikar Bhi Shayad Hi Ghazal mein aaye

aur sy aur Huey Dard K Unwaa'n Janaa'n

Hum Bhi Kiya Sada Thay Hum Ne Bhi Samjh Rakha Tha

gham-e-Daoraan sy Juda Hai, gham-e-Janaan Janaa'n

Hum K Roothi Hui Rutt Ko Bhi Manaa Letay Thay

Hum Ne Deikha Hi Na Tha Mosam-e-Hijraan Janaa'n

Hosh Aaya To sab Hi KHaak Thay Raiza Raiza

Jeisay urrtay Huey Aoraaq-e-Parishaan Janaa'n

Ahmad Faraaz