کہا اُس نے

کہا اُس نے

کہا میں نے !

مہِ کامل کی آہٹ پر سمندر کیوں مچلتے ہیں ۔ ۔ ۔

دِلوں میں کس لیے ارماں جگاتی ہیں

سنہری چاندنی راتیں !

یہ اِن کے بیچ کیسی دوستی ہے ۔ کیا تعلق ہے ؟؟ ۔ ۔ 

کہا اُس نے

کشش کے باب میں جو کچھ سنا تم نے 

وہ سب باتیں کتابی اور حسابی ہیں

حقیقت صرف اِتنی ہے

مکاں اور لامکاں کے درمیاں جو

وقت کا دریا سا بہتا ہے 

کہیں اُس پر کوئی اِک پُل ہے ۔ جس نے جوڑ رکھا ہے 

نگاہوں کی پہنچ سے دور

دو اوجھل کناروں کو

معانی جس نے بخشے ہیں 

نئے کچھ اِستعاروں کو 

عجب جادو ہے اُس دریا میں اور اُس کے کناروں میں 

اگر اپنی طرف سے آکے میں تم کو پکاروں تو

مری آواز تم کو اِس قدر نزدیک سے آتی

ہوئی محسوس ہوگی

جس طرح میں پاس ہوں اتنی کہ تم چاہو

تو مجھ کو بازؤں میں بھر بھی سکتے ہو

میرے کانوں میں چپکے سے وہ باتیں کر بھی سکتے ہو

وہی باتیں جو جانے کب سے کہنا چاہتے تھے تم ۔ !!

کہو نا ۔ ۔ ۔ سُن رہی ہوں میں

اگر تم جاننا چاہو کہ ایسا کس طرح ممکن ہے تو آؤ

وہیں اپنے کنارے پر کھڑے ہو کر مرے بارے میں کچھ سوچو ۔ ۔

لو دیکھو ۔ ۔ آگی ہوں میں ۔ ۔۔ !!

شاعر: امجد اسلام امجد 

کتاب: نزدیک

Kaha Us Ne . . .

Kaha MeiNe

Mah-e-Kamil Ki Ahat par Samanderr Kiyun Machaltay Hain . . .

Diloon mein Kis Liye Armaan Jagaati Hainn

Sunehrii Chaandni Raatein !

Ye in K Beech Kesi Dosti Hai, Kiya Taluk Hai ? . .

Kaha Us Ne . .

Kashish K Baab mein Jo Kuch SUna Tum Ne

Woh Sab Baatein Kitaabi aur Hisaabi Hain

Haqeeqat Sirf itni hai

Makaan aur La-Makaan K Darmiyaan Jo

Waqt Ka Dariya sa Behta Hai 

Kahein Us par Koi ik pull hai , Jis Ne Jorr Rakha Hai

Nigaahoon Ki Pohnch sy Door

2 Ojhal Kinaaron Ko

Muaani Jis Ne Bakhshay Hain

Nayee Kuch istaaroon Ko

Ajab Jadoo Hai Us Dariya mein aur us K Kinaaron mein 

Agar Apni Tarf sy aa K mein TUm Ko Pukaaron TO 

Meri Awaaz Tum Ko iss qadar Nazdeek sy aati 

Huii Mehsoos HOgi

Jis Tarah mein Paas Hoon itnii K TUm Chaho

To Mujh Ko Baazuoon mein Bharr BHi Saktay Ho

Meray Kaanoo mein Chupkay sy Woh Baatein Kar Bhi Saktay Ho . 

WOhi Baatein Jo Janay Kab sy Kehna Chahatay Thay Tum . .

Kahoo Na, Sun Rahi Hoon mein . .

Agar Tum Jaan'na Chaho K Aisa Kis Tarah Mumkin Hai To aao . .

Wohein Apnay Kinaaray par Kharray Ho Kar Meray Baaray mein Kuch Socho ...

Lo Deikho, aa gaii Hoon mein..!!!

Poet: Amjad Islam Amjid

Book: Nazdeek