چشم بےخواب ہوئی شہر کی ویرانی سے

چشم بےخواب ہوئی شہر کی ویرانی سے

دل اترتا ہی نہیں تختِ سلیمانی سے

پہلے تو رات ہی کاٹے سے نہیں کٹتی تھی

اور اب دن بھی گزرتا نہں آسانی سے

ہم نے اک دوسرے کے عکس کو جب قتل کیا

آئینہ دیکھ رہا تھا ہمیں حیرانی سے

اب کے لگتا ہے لبِ آب ہی مر جائیں گے

پیاس ایسی ہے کہ بجھتی ہی نہیں پانی سے

آنکھ پہچانتی ہے لوٹنے والوں کو مگر

کون پوچھے گا مری بے سرو سامانی سے

یوں ہی دشمن نہیں در آیا مرے آنگن میں

دھوپ کو راہ ملی پیڑ کی عریانی سے

کوئی بھی چیز سلامت نہ رہے گھر میں سلیم

فائدہ کیا ہے بھلا ایسی نگہبانی سے

غزل: سلیم کوثر

Chashm Be-Khaab Huii Shehar Ki Veraani sy . . .

Dil Utarta Hi Nahi Takht-e-Sulmaani sy . ..

Pehlay To Raat Hi Kaatay sy Nahi Kat'ti Thi . ..

Aur ab Din Bhi guzarta Nahi Aasaani sy . . .

Hum Ne aik Dosray K aks Ko Jab Qatal Kiya . . .

Aaina Deikh Raha Tha Humein Hairaani sy . . .

Ab K Lagta Hai Lab-e-Aab Hi Marr Jayein gay . . .

Piyaas Aisi Hai K Bujhti Hi Nahi Paani sy . . .

Aankh Pehchanti Hai Loutny Walon Ko Magar . . .

Kon Puchay ga Meri Be-Saroo-Samaani sy . ..

Youn Hi Dushman Nahi Dar aaya meray Angann mein . . .

Dhoop Ko Rah mili pairrrh Ki Auriyaani sy . . 

Koi Bhi Cheez Salamat Na Rahay ghar mein "Saleem". . .

Faida Kiya Hai Bhala Aisi Nighibaani sy . ..

Poet: Saleem Kousar