عشق میں ہارے ہوئے جسم

عشق میں ہارے ہوئے جسم

تم نے دیکھی ہے کبھی

عشق کے مست قلندر کی دھمال

درد کی لے میں پٹختا ہوا سر اور تڑپتا ہوا تن من

پیر پتھر پہ بھی پڑ جائیں تو دھول اٹھنے لگے

اور کسی دھیان میں لپٹا ہوا یہ ہجر زدہ جسم

رقص کرتا ہوا گر جائے کہیں

تو زمیں درد کی شدت سے تڑپنے لگ جائے

ہجر کی لمبی مسافت کا رِدھم گھوڑوں کی ٹاپوں میں گندھا ہے

رقص دراصل ریاضت ہے کسی ایسے سفر کی

جسے وہ کر نہیں پایا

تم نے دیکھے ہیں کبھی

شہر کے وسط میں گھڑیال کے روندے ہوئے پل

جن میں چاہت کے ہزاروں قصے

عشق کے سبز اجالے میں کئی زرد بدن

اپنے ہونے کی سزا کاٹ رہے ہیں

تم نے دیکھے نہیں شاید

عشق میں ہارے ہوئے جسم

جسم ایسے جو کبھی پوریں بھی کٹ جائیں

توپھر خوں کی جگہ اشک نکلتے ہیں وہاں

حسرتیں دل میں چھپائے ہوئے کچھ لوگ یہاں

دم بدم بہتی ہوئی آنکھوں سے لکھتے ہیں کہانی

یہ نئی بات نہیں

واقعہ ایک ہے کردار بدل جاتے ہیں

ایک تیشہ ہے مگر وار بدل جاتے ہیں

Ishq mein Haaray Huey Jism . .

Tum Ne Deikhi Hai Kabhi . .

Ishq K Mast Qalander Ki Dhamaal . .

Dard Ki Lay mein Patakhta Hua Sar aur Tarrpta Hua Tan-mann. .

aur Kisi Dhiyaan mein Lipta Hua Ye Hijarr Zada-Jism . ..

Raqs Karta Hua gar Jaye Kahein . .

To Zameen Dard Ki Shidatt sy Tarapnay Lag Jaye . .

Hijar Ki Lambi Musafat Ka Ridham ghoorroon Ki Taapoon mein ghandha Hai . .

Raqs Darasal Riyazat hai Kisi Aisay Safer Ki . .

Jissay Woh Kar Nahi paata . .

Tum Ne Deikhay Hain Kabhi . .

Shehar K wosst mein ghariyaal K roonday Huey pull . .

Jin mein Chahat K Hazaaron Qissay. .

Ishq K Sabz Ujaalay mein Kaii Zard Badan . .

Apnay Hoonay Ki Saza Kaat Rahay Hain . .

Tum Ne Deikhay Nahi Shayad . .

Ishq mein Haaray Huey Jism . .

Jism Aisay Jo Kabhi poorein Bhi Katt Jayein . . .

To Phir Khoon Ki Jaga Ashk Nikaltay Hain Wahaan . . .

Hasratein Dil mein CHupaye Huey Kuch Log Yahaan . . .

Dam-Ba-Dam Behti Huii Aankhoon sy Likhtay Hain Kahaani . . .

Ye Nayii Baat Nahi . .

Waqiya aik Hai Kirdaar Badal Jatay Hain . .

Aik Taisha Hai Magar Waar Badal Jatay Hain.